Hátíðarmessa og jólaball Íslendingafélagsins í Stokkhólmi verður í Norsku kirkjunni á Söder, Stigbergsgatan 24,  20. desember.  Húsið opnar kl 10 og messa hefst kl 11.  Þetta verður fjölskylduvæn hátíðarmessa því börnin fá að vera í hliðarsal og dunda sér við að teikna og lita meðan fullorðna fólkið nýtur helgistundarinnar. 

Í kjölfarið verður svo jólaball með dansi í kringum jólatréð, söng og sveinkaheimsókn frá Íslandi !  Jólaballið hefst kl 11.45.   Að því loknu verður hádegis- og kaffihlaðborð í pálínustíl; allir gestir eru hvattir til að taka með sér einhvað girnilegt framlag á hlaðborðið (má koma því til eldhúss í hliðarsal áður en messa hefst).  Gjarnan einhvað hádegisverðarkyns en að sjálfsögðu verður ekki fúlsað við rjómatertum, pönnsum eða öðru sætabrauði !  Íslendingafélagið býður uppá drykkjarföng, brauð og létt álegg.

Ætli það sé þessi sveinki sem kemur á jólaballið í Stokkhólmi ?

Foreldrar athugið !  Til að auðvelda það að sveinki gefi hverju barni gjöf sem hentar má koma með lítinn pakka kyrfilega merktum því barni sem á að fá pakkann.  Í fatahenginu við innganginn á kirkjunni verður poki sveinka staðsettur þar til ballið hefst og þangað verður hægt að lauma pökkunum svo lítið beri á.

Fréttir

Laugardaginn 5. desember verður prjónakaffi á Café Noco, Odengatan 47, frá kl 10.30 – 13. Fyrir utan hið hefðbundna kaffibollaspjall og prjón mun Halldóra Skarphéðinsdóttir kynna nýju bókina sína Prjónaperlur – prjónað frá grasrótinni. Lesið nánar um hana hér: www.prjonaperlur.blogspot.com.

Fréttir