Eins og áður hefur komið fram verður árshátíð Íslendingafélagsins með þorraívafi þetta árið. 
Nýjustu fregnir herma að útsendari nefndarinnar sé nú staddur á Íslandi að safna saman þorramat fyrir hátíðina.

Fréttir

Eða óheppin(n)?
Skiptir ekki máli.
Allir þeir sem mæta á árshátíð íslendingafélagsins græða en sumir þó meira en aðrir.

Heppinn þessi... hvað með þig?

Á meðal fjölmargra vinninga í árlegu happdrætti árshátíðar íslendingafélagsins í Stokkhólmi má telja:

• Flugmiða fyrir tvo*
• Hestaferð á íslenskum hestum á Gotlandi fyrir tvo
• Nuddtími hjá lærðum íslenskum nuddara búsettum í Stokkhólmi
• Gjafabréf í fataverslun
• Gjafabréf hjá ferðaskrifstofu
• Bækur
• Leikhúsmiða
• og margt margt margt fleira.

Láttu þig því ekki vanta
Kauptu miða inn á hátíð allra landsmanna strax í dag!

Fréttir

Góðir íslendingar
Athugið!

Þessir ætla láta sér nægja að mæta á ballið

Miði á ball kostar:
Félagsmenn 200 SEK
Námsmenn 200 SEK
Heldri borgarar 200 SEK
Óbreyttir 250 SEK

Heyrst hefur hingað og þangað um Stokkhólm að stemningin í ár sé gífurleg og allt að verða vitlaust hreinlega úr spenningi landsmanna enda verður stuðið svakalegt.

Hlökkum til að sjá þig!

Já ÞIG

Fréttir

Ert ÞÚ búin(n) að kaupa þér miða?

Félagarnir farnir að hlakka mikið til

Fréttir

Nú blása bjartir og öflugir vindar um stjórn íslendingafélagsins og vonandi líka um landsmenn okkar alla hér í Stokkhólmi.  Við erum byrjuð að skipuleggja starfsemina fyrir árið 2009 og það verður sannarlega margt í boði sem höfðar vonandi til sem flestra.  Hér má sjá uppkast að atburðum frammað sumri;

Febrúar

7. febrúar – Aðalstjórnarfundur Íslendingafélagsins á Café Noco kl. 10 og í kjölfarið á því…

                           Prjónakaffi á Café Noco kl. 11

28. febrúar – barnastarf og kirkjuskóli í safnaðarheimili Danderyd kirkju kl. 15 (húsið opnar 14.30)

Mars

? mars – Bjórkvöld í tilefni 20 ára afmælis bjórsins á Íslandi.  Dagsetning, tími og staður tilkynntur fljótlega.

7. mars – Prjónakaffi á Café Noco kl. 10.30

7. mars – Stórglæsileg árshátíð með þorraívafi, nánar auglýst fljótlega. Athugið að þeir sem hafa borgað félagsgjöldin fyrir árið 2009 fá veglegan afslátt inn á hátíðina.

21. mars – barnastarf og kirkjuskóli í safnaðarheimili Danderyd kirkju kl. 15 (húsið opnar 14.30)

28.mars – Stofnfundur menningarklúbbs (kl. 11 á Café NoCo), sem mun m.a. halda utan um leshring – vín- og bjórsmökkun og hvetja til tónleikasóknar landans sem og  vekja áhuga á ýmsum menningaratburðum sem í boði eru á Stokkhómssvæðinu.  Starfið verður auglýst nánar síðar.  Áhugasamir geta haft samband við Ólaf Sveinsson í síma 08-655 48 30 eða Einar Sveinbjörnsson í síma 08-530 341 73.

Apríl

4. apríl – Prjónakaffi á Café Noco kl. 10.30

18. apríl – barnastarf og kirkjuskóli í safnaðarheimili Dandeyrd kirkju kl. 15 (húsið opnar 14.30)

26. apríl – Vorferð barnanna á bóndabæ í Åkersberga; klappa lömbum, kálfum og kisum og kynnast sveitalífinu.

Maí

2. maí – Prjónakaffi á Café Noco kl. 10.30

16. maí – barnastarf úti í guðsgrænni náttúrunni, hist á leikvelli og sprellað saman, nánar auglýst síðar

Júní

6. júní – Prjónakaffi á Café Noco kl. 10.30

13. júní – Hátíðarhöld í tilefni 17. Júní, dagskrá og staðsetning óákveðin er tilkynnt þegar nær dregur

Fréttir

Það hefur verið og er enn einlæg stefna félagsins að þjóna öllum  landsmönnum búsettum hér í stórborginni hvort sem þeir greiða félagsgjald eða ekki.  Við lítum þannig á að allir Íslendingar á Stokkhólmssvæðinu séu félagar.  Hinsvegar er ekki hægt að halda úti metnaðarfullu starfi án aura og því er mjög mikilvægt fyrir félagið að fólk gerist formlega félagar og styðji þannig starfsemina með því að greiða sín félagsgjöld. 

Kreppan hefur væntanlega ekki farið framhjá neinum.  Það snertir Íslendingafélagið á þann hátt að nánast enga styrki er hægt að nálgast hvorki hjá fyrirtækjum eða opinberum aðilum.  Félagið lifir því á fjárhagslegum stuðningi félagsmanna sinna, sjálfboðavinnu stjórnarinnar og litlu öðru.

Við viljum að sjálfsögðu halda áfram að bjóða uppá barna og fjölskyldustarf, prjónakaffi, Þjóðhátíðarhöld, Jólaball, árshátið/þorrablót og upplýsingaþjónustu bæði á heimasíðu félagsins og póstlistanum.  Ekki má heldur gleyma því að þeir sem greitt hafa félagsgjöld fá afslátt á miðaverði árshátíðarinnar.

Láttu nú ekki þitt eftir liggja !!  Sýnum samstöðu öll sem eitt !!

Félagsgjöld fyrir árið eru litlar 300 krónur á fjölskyldu. 
Vinsamlegast greiðið á Plus Girot 40 39 35-0 og merkið greiðsluna gjarnan með nafni og tölvupóstfangi.

Fréttir

Stjórn félagsins samanstendur af öflugu fólki en alltaf má blómum í vöndinn bæta.  Hefur ÞÚ áhuga á að vera með ?  Hafa áhrif ?  Koma skoðunum þínum, elju og krafti á framfæri ?  Þá viljum við bjóða þig velkomin !  Á þessum stjórnarfundi verður formlega skipt niður verkefnum og kosið í stöður til formanns, varaformanns, ritara og gjaldkera félagsins fyrir komandi starfsár.  

Athygli er sérstaklega vakin á því að öllum félagsmönnum er heimilt að gefa kost á sér til stjórnarstarfa ásamt því að kjósa til stjórnar. 

Fréttir