Fundurinn verður haldinn á Espressohouse á Birger Jarlsgatan 18, 114 34 Stockholm, kl. 18:30.

Stjórnin

Nú eru liðnir nokkrir mánuðir frá því að við tókum við stjórn Íslendingafélagsins í Stokkhólmi. Við viljum þakka ykkur fyrir frábærar viðtökur við þeim viðburðum sem við höfum staðið fyrir hingað til. Fjölmennt var á vorfagnaðinn sem haldin var 21. apríl í blíðskaparveðri og nutum við þess að sitja úti og spjalla saman. Einnig hefur verið vel mætt á prjónamorgnana og svo standa bjórkvöldin alltaf fyrir sínu. Næsti stóri viðburður verður 17. júní hátíðarhöldin sem haldin verða sunnudaginn 16. júní og 19. maí er stefnt að því að halda barnahitting. Nánari dagskrá og upplýsingar um þessa viðburði verða senda út á næstunni.

Á síðustu stjórnarfundum höfum við rætt mikið um félagsgjöldin og slæma fjárhagsstöðu félagsins. Við höfum nú tekið þá ákvörðun að lækka félagsgjöldin í 100 kr. fyrir einstaklinga og 150 kr. fyrir fjölskyldu. Með þessu vonumst við til þess að sem flestir taki þátt í því að greiða í félagið. Með auknu fjármagni hefur stjórnin möguleika á að standa betur að stærri viðburðum, eins og t.d. 17. júní fagnaði, jólaballi og árshátíð/þorrablóti. Einnig má nefna að þeir sem hafa greitt félagsgjöldin hafa fengið afslátt kostnaðarsama viðburði, eins og t.d. árshátíð/þorrablót.

Á næsta stjórnarfundi verður gjaldinu formlega breytt en þangað til viljum við bjóða upp á möguleikann að greiða gjaldið eins og það verður eftir lækkun.

Greiða skal inn á Plus Girot reikning félagsins 403935-0.

Vonumst við til þess að sem allra flestir sjá sér fært um að styrkja félagið okkar.

Bestu kveðjur,
Stjórnin

Kristín Rannveig Snorradóttir, formaður
Margrét Rós Sigurjónsdóttir, varaformaður
Solveig Cosser, ritari
Anna Rósa Pálmarsdóttir, gjaldkeri
Elín Margrét Gunnarsdóttir, meðstjórnandi
Lára Dögg Gústafsdóttir, meðstjórnandi
Óskar Friðbjarnarson, meðstjórnandi
Jón Árnason, meðstjórnandi
Helgi Örn Helgason, meðstjórnandi