Loksins,  eftir langt hlé, verður Þorrablót með hefðbundnum hætti í Stokkhólmi þann 18. febrúar kl 18.00.

Öllum Íslendingum, gestkomandi sem og búsettum í Svíþjóð er velkomið að mæta.

Gestgjafar þorrablótsins eru eðal-hjónin Gullý og Siggi í Prince Palace (sjá nánar um staðsetningu hér fyrir neðan), þau munu sjá um veitingar af alkunnri snilld í sínum gullfallega sal í Prince Palace og að sjálfsögðu verður al-íslenskur matur að hætti Þorra, eitthvað fyrir alla bæði súrt og gott.

Um músíkina, dansinn og fjörið sér Ólafur Karl og hljómsveit hans, sem koma frá Smálöndum. Veislustjóri er ekki enn ákveðinn en upplýsingar koma síðar.

Veglegt happadrætti verður í boði og má nefna vinninga frá:
Icelandair, Hotelgistingar Reykjavík/Keflavík , Bilaleigum á Íslandi, nokkrar skemmtiferðir á Íslandi, Matarkyns fra IslandsFisk.se, út að borða á Caruso í Reykjavik og margt, margt fleira, mjög spennandi…

Síðan má ekki gleyma að Bæjarins Bestu mæta með pylsur á miðnætti, þar sem ein með öllu verður seld gegn vægu gjaldi.

Miðaverð Skr. 400 á manninn fyrir félaga, Skr. 500 fyrir utanfélagsfólk. Greiðsla þarf að berast fyrir 9. febrúar 2012 þar sem greiða þarf fyrir matinn áður en hann fer frá Íslandi. Athugið að miðaverði er haldið í algjöru lágmarki.

Miðaverð eftir borðhald: Skr. 200.

Við viljum benda á PlusGiro-númer Íslendingafélagsins fyrir þá sem vilja ganga í félagið, vinsamlegast greiðið félagsgjaldið inná:
PlusGirot 40 39 35-0.
Og ekki gleyma að setja nafn í skilaboð svo við vitum hver greiðandinn er.

Greiðsla fyrir miða á þorrablótið greiðist fyrir 9. febrúar inná:

BankGiro: 5602-1306
Gully-Siggi HB

tilgreinið skýrt og greinilega nafn greiðanda.

Vel mætt og fjör á bæ!

Prince Palace
Veddestavägen 13
Järfälla
 08-760 42 36
www.princepalace.se

Fréttir

Ný stjórn sem kosin var á aðalfundi 10. janúar 2012 er eftirfarandi:

Katrín Snæhólm Baldursdóttir, formaður
Hulda Össurardóttir, ritari
Stefanía Steinþórsdóttir, gjaldkeri
Dagbjört Skaftadóttir, meðstjórnandi
Óskar Friðbjarnarson, meðstjórnandi
Jón Árnason, meðstjórnandi
Ólafur Kristjánsson, meðstjórnandi
Guðjón Ingi Sigurðsson, meðstjórnandi

Fráfarandi stjórn þakkar kærlega fyrir sig !

Fréttir

Sérstakt boð til Stokkhólmsbúa:

Jólaskemmtun í Uppsölum
Þann 17. desember næstkomandi heldur séra Ágúst Einarsson prestur Íslendinga í Svíþjóð jólahelgistund á íslensku í Tunabergskyrkan í Uppsölum og eftir helgistundina verður jólaball í safnaðarheimilinu. Helgistundin hefst stundvíslega kl. 11. Íslendingafélagið í Uppsölum stendur fyrir uppákomunni. Jólasveinar koma í heimsókn og öll börn fá glaðning. Hefð hefur skapast fyrir því að allir sem mæta komi með eitthvað góðgæti með sér á kaffihlaðborðið og verður svo einnig að þessu sinni. Íslendingafélagið útvegar drykkjarföng.

Við viljum gjarnan bjóða íslendingum í Stokkhólmi að koma til Uppsala og njóta dagsins með okkur, en svo atburðurinn geti staðið undir sér fjárhagslega og öll börn geti fengið glaðning þá er aðgangseyrir 10 SEK á mann, þó hæst 30 SEK á fjölskyldu. Tilkynna þarf mætingu á jólaballið í síðasta lagi að kveldi 15. desember, svo við vitum hve margir fullorðnir og hve mörg börn mæta. Við getum því miður ekki tekið á móti þeim sem ekki hafa tilkynnt komu sína. Vinsamlegast tilkynnið komu á netfangið uppsalir.islendingafelag@gmail.com

Við hlökkum til að sjá ykkur. Mætið tímanlega.

Með kveðju,
Stjórn Íslendingafélagsins í Uppsölum

Fréttir

Boðað er til aðalfundar Íslendingafélagsins í Stokhólmi þriðjudaginn 10. janúar 2012 kl. 18:00, í fundarherbergi sendiráðs Íslands í Stokkhólmi, Kommendörsgatan 35 á Östermalm (T-bana Karlavägen). Boðið verður uppá kaffi og köku.

Íslendingum í Stokkhólmi fer fjölgandi og við vonum að ferskir og öflugir kraftar bjóði sig fram í stjórn félagsins til þess að halda uppi starfi og upplýsingaþjónustu þeirri, sem vænst er af Íslendingafélaginu. Ef ÞÚ finnur kallið er ekki eftir neinu að bíða !

Á aðalfundi félagsins, sem haldinn var fyrir ári síðan, fékkst ekki næg þátttaka í stjórnarstörf, og hefur félagið því ekki verið formlega starfandi síðasta árið. Verði það sama uppi á teningnum á þessum aðalfundi verður félagið lagt formlega niður.

Hafir þú áhuga á að leggja hönd á plóg og starfa í stjórn Íslendingafélagsins en sérð þér ekki fært að koma á aðalfundinn, hvetjum við þig til að vera í sambandi (info@islendingafelagid.se) og gefa kost á þér. Framboð verður þá lagt fram fyrir þína hönd á aðalfundinum.

Fréttir

Sautjándajúníþjóðhátíðarhald í Stokkhólmi munu þetta árið eiga sér stað í Haga Parken laugardaginn 18. júní.

Við hittumst á stóra grasbalanum við Kopartjöldin um kl 14 og hreiðrum um okkur til að spjalla, snæða og leika. Hverjum er frjálst að koma með eigið nesti, drykki eða jafnvel grill og pylsur ef svo ber undir.

Dagskrá dagsins verður með óformlegum og frjálslegum hætti; við syngjum ”hæhójibbí”og ”Öxar yfir ána” þegar nógu margir söngfuglar eru mættir, málum fána á kinnar og förum í hópleiki með krökkunum. Takið endilega með bolta, frisbídiska eða annað útidót.

Þetta árið viljum við slá Íslandsmet (í Stokkhólmi) ! Nánar tiltekið í pikknikkteppastærð. Markmiðið er að mynda eitt risateppi úr meðhöfðum teppum. Samkvæmt nýsköpuðum reglum á ýmist horn, skammhlið eða langhlið hvers teppis að snerta samsvarandi flöt næsta teppis. Athugið að gert er ráð fyrir lágmarks göngurými milli teppa til að uppfylla alla EU staðla

Fréttir

ICELANDAIR OG VIÐBURÐIR EHF KYNNA:

Sunnudaginn 29. maí verður íslensk barnaskemmtun í Stokkhólmi. Hún hefst kl 16:00 og verður fyrir börn á öllum aldri. Það verður enginn annar en sjálfur Íþróttaálfurinn sem ætlar að koma alla leið frá Íslandi, að sjálfsögðu með Loftskipinu sínu, og skemmta börnunum í Stokkhólmi. Skemmtunin verður haldin í safnaðarheimili Danderyd kirkju, Klockargårdsvägen 2.

Það er ekki á hverjum degi sem íslenskum börnum í Svíþjóð gefst kostur á að sækja barnaskemmtun á íslensku má því segja að þetta sé einstakt tækifæri fyrir þau til að komast á þess háttar skemmtun.

Miðasalan hefst 29. apríl, miðaverð er 145 SEK en fyrstu 50 miðarnir verða seldir á 99 SEK. Hægt er að nálgast miða á facebook-síðu skemmtunarinnar, sjá nánar hér; http://www.facebook.com/?ref=home#!/event.php?eid=145915835479351

Farið inn á síðuna strax í dag, taggið viðburðinn og þá eigið þið sjéns á að næla ykkur í boðsmiða !

Ekki missa af þessu einstaka tækifæri til að sjá hinn geysivinsæla Íþróttaálf í Stokkhólmi…

Fréttir

Við höfum hist nokkir íslenskir lífeyrisþegar og rætt um hvernig lífeyrisgreiðslum til erlendis búsetta er háttað og eins hvernig samskipti við lífeyrisþega fer fram.

Komið hefur fram hugmynd að stofna Samtök áhugafólks um lífeyrismál sem myndi afla upplýsinga um lög og reglur er varða lífeyri. Eins er brýnt að hafa samband við Tryggingarstofnun Ríkisins og fá þar fastan tengilið til viðræðna. Okkur vantar fleiri tengiliði hér í Svíþjóð sem væru til að stuðla að stofnun svona samtaka. Hefur þú áhuga á þessum málum þá endilega hafðu samband við :

Guðmundur S. Guðmundsson

S:040 96 49 85 Gsm:0737 62 32 75

Email: gudmundur3@telia.com

Sveinn Jónsson

S: 0414 13193 Gsm:070 203 19 17

Email: sveinn.jonsson@telia.com

Hilmar Jónasson

S: 141 63 29 233 Gsm: 0706 624 635

Email: hilmar.jonasson@comhem.se

Fréttir

Kæru landar !

Þessu má engin missa af ! Ekki á hverjum degi sem tækifæri gefst til að upplifa íslenska tónlistarmenningu með íslenskum söngstjörnum á Íslandskvöldi á Göta Lejon. Eftirfarandi er tilkynning frá skipuleggjendum kvöldsins;

”Íslandskvöld og tónleikar með Friðrik Ómari og Jóhönnu Guðrúnu
í Göta Lejon – miðvikudaginn 30. mars 2011  kl. 20:30

Miðasala hafin!

Nú rétt í þessu var opnað fyrir miðasölu á Íslandskvöldið og tónleika Friðriks Ómars og Jóhönnu Guðrúnar.
Við hvetjum þig til að tryggja þér og þínum miða á besta stað hið fyrsta!

Söngvararnir koma fram ásamt hljómsveit undir stjórn píanóleikarans Karls Olgeirs Olgeirssonar.
Efnisskrá tónleikanna verður fjölbreytt og skemmtileg en víst er að enginn má láta þennan viðburð framhjá sér fara.

Miðaverð er 200 SEK. Miðasala fer fram á:
http://www.ticnet.se/event/FridrikOmarochYohannabiljetter/GLFY0330

Sendiráð Íslands í Stokkhólmi og Rigg ehf. standa að viðburðinum en bakhjarlar eru m.a. Íslandsstofa, Icelandair og Ikea.
Fulltrúar frá Islandsresor, Island ProTravel og Islandia resor verða á staðnum og kynna ferðir til Íslands.

Allar nánari upplýsingar er að finna á www.ticnet.se og www.fridrikomar.com
Sjá einnig myndband á YouTube: http://www.youtube.com/watch?v=9yUotzwRToI

Islandskväll och konsert med Friðrik Ómar och Yohanna
på Göta Lejon – Onsdagen den 30 mars 2011  kl. 20:30

Biljettsläpp i dag!

I dag är det biljettsläpp för Islandskväll och konsert med Friðrik Ómar och särskilt gästframträdande av Yohanna.
Friðrik Ómar och Yohanna kommer att uppträda med 10-mannorkester  under ledning av pianisten Karl O. Olgeirsson.

Biljetter 200 SEK. Finns att köpa på:
http://www.ticnet.se/event/FridrikOmarochYohannabiljetter/GLFY0330

Islands Ambassad i Stockholm och Friðrik Ómar organiserar kvällen. Sponsorer är bl a Íslandsstofa/Promote Iceland, Icelandair och Ikea.
Information om resor till Island ges på plats från resebyråerna Islandsresor, Island Pro Travel och Islandia resor.

Närmare information går att hitta på www.ticnet.se och www.fridrikomar.com
Video på YouTube: http://www.youtube.com/watch?v=9yUotzwRToI ”

Fréttir

Ísland er eftst í milliriðli 1 og stendur vel að vígi. Fyrsti leikur liðsins er gegn Þjóðverjum klukkan 18:30 á laugardaginn.

Heildardagskránna má sjá hér http://www.handball2011.com/mainround

Fréttir

Vegna þess að ekki náðist að fá styrktaraðila til að styðja við bakið á okkur varðandi rútuferð á leik eða leiki íslenska liðsins á HM í handbolta þá verðum við því miður að leggja öll slík áform til hliðar. Íslendingafélagið er um þessar mundir ekki í stakk búið til að standa straum af og leggja út fyrir kostnaði vegna rútuferðar.

Við hvetjum hinsvega alla sem vetlingi geta valdið að skella sér á leik eða leiki með íslenska liðinu og styðja við strákana okkar.

Fréttir